حكاية انسان

😪

حكايتنا اليوم بطلها كل واحد فينا اتولد واتربي بين اسرته كبر وعاش وبقي راجل فيها، في مننا بقي مسئول عن بيت جديد لسه بيبدا وفي منا لسه الزمن مدوخه وعايش في نفس البيت اللي اتولد فيه

من 30 سنة اتولد 30 جيل بالتمام والكمال في اللي منهم زي ما هو كانه لسه مولود امبارح وفي منهم اللي كانه عايش بقاله 100 سنة أجيال وراء أجيال بتتولد ومحدش عارف انهي اخر جيل بيجي ويعيش علي الأرض لو رحنا علي اول جيل فيهم من اول التسعينيات من القرن الماضي هنلاقي الجيل ده اتحرم من حاجات كتيره اتربي وكبر في ظلم وفقر ومستوي صحة متدني اتربي جوه بيئة مليانه بالأمراض ومش شرط الامراض دي تكون امراض صحية بل بالعكس الامراض النفسية اصعب بكتير عقول تايهه وفكر مشتت ومستقبل باهت محدش عارف مخبئ ايه علشان كده الجيل ده للأسف لما كبر ونضج كان نضجه ناقص وبقي غير مسئول عن تصرفاته جيل للأسف من اول يوم اتولد فيه وهو مولود في ظلام برغم عبورنا الحرب من اكثر من 17 سنة إلا اننا  لحد بداية القرن العشرون حياتنا والبيئة اللي كنا عايشيين فيها لا يمكن انها تخرج جيل قادر واعي فاهم يعني ايه حياة ويعني ايه مسئولية . مسئولية اسرة وطن بتبدا من عنده لحد نظامنا الحاكم للأسف مترباش علي انه جيل بيسلم جيل متعلمش صح وفهم انه له دوار مهم ولازم يؤديه ربينا جيل فاقد الثقة في نفسه وفي قدراته عاش طول عمره علي الأوامر من اول بيته لحد ما خلص جيشه حتي اللي فلح فينا بقي منصاع لاوأمر الحياة اللي دايسه علي نفسه مش قادر يرفع راسه منها ، واللي ضاع مننا مازال تابع لاسرة من ستينيات القرن الماضي مش بلوم عليهم ولا علي دورهم في الحياة لانه هم برضو اتظلمو مع قيادة فاشلة وعرب مشتت

مبقناش عارفين نلوم مين ولا مين لكن اكيد محتاجين تغيير ، تغيير ثقافة ووعي تغيير مستقبل وشباب منحل تغيير تعليم وصحة وامن تغيير عقول للأسف محتاجة سوفت ونظام حديث يدير ويشغل وينتج قوة وطاقة واقتصاد يكبر وبلد تتحرك كفاية بقي حضارات 7000 سنة اللي اتسرقت ومبقاش منها غير شوية حجارة ، لو علي الحجارة فالعالم كله عنده حجارة ولو علي العظمة فعظمة ربنا اكبر من كل حاجة ولو علي التاريخ فالتاريخ هو المستقبل اللي بجد

محتاجين نغير حكايتنا ونكتب حكاية جديدة ويكون بطلها الحقيقي برضو كل واحد فينا

محمد عاشور 2020